Тошкент ва Варшава ўртасида тўғридан-тўғри авиарейслар йўлга қўйилиши кутилмоқда

Ўзбекистон транспорт вазири Илҳом Маҳкамов Польшанинг LOT Polish аирлинес авиакомпанияси тижорат ишлари бўйича директори Михаил Фиёл билан учрашди, деб хабар бермоқда вазирлик матбуот хизмати.

Қайд этилишича, учрашувда фуқаро авиацияси соҳасидаги ҳамкорлик алоқаларини кенгайтириш, икки давлат ўртасида ҳаво қатновларини йўлга қўйиш масалалари муҳокама этилди. Шунингдек, LOT Polish аирлинес компаниясининг юк ва йўловчилар ташиш борасидаги тажрибасини ўрганиш юзасидан фикр алмашилди.

Шунингдек, Uzbekistan Airways’нинг қишги парвозлар жадвалига Варшава шаҳрига қатновларни амалга ошириш режаси ишлаб чиқилаётгани ва мазкур йўналишда LOT Polish аирлинес компанияси билан юк ва йўловчи ташувларида ҳамкорликни кенгайтириш юзасидан таклифлар илгари сурилди.

Ўз навбатида Михаил Фиёл мазкур таклифни ижобий қабул қилиб, бугунги кунда Uzbekistan Airways ва LOT Polish аирлинес компанияси ўртасидаги Code Шаре ва СПА келишувларига мувофиқ ҳамкорликни янада кенгайтириш йўналишида амалий ёрдам кўрсатишга тайёрлигини маълум қилган.

Мавзуга доир:

• Тошкентдан Токиога парвозлар амалга оширилиши бошланди
• Вьетнамга авиақатновлар тикланиши режалаштирилган — Uzbekistan Airways