Italiya va Fransiyada kuchli bo‘ron oqibatida 7 kishi qurbon bo‘ldi

Italiya va Fransiyadagi kuchli shamol yetti kishining hayotiga zomin bo‘ldi. Bu haqda Associated Press xabar bermoqda.

Fransiya meteorologiya xizmati ma’lumotlariga ko‘ra, Korsika orolida shamol tezligi soatiga 220 kilometrga yetgan, 45 mingga yaqin xonadon elektr ta’minotisiz qolgan.

Korsikada besh kishi halok bo‘lgan. Yana o‘nlab kishi jarohatlangan. 12 kishi kasalxonaga yotqizilgan, ulardan biri esa og‘ir ahvolda.

Italiyaning Toskana shahrida bo‘ron tufayli qulagan daraxt ikki kishini halok qildi, to‘rt kishi jarohatlandi.

Bundan tashqari, Venetsiyada kuchli shamol Avliyo Mark qo‘ng‘iroq minorasidan g‘isht bo‘laklarini ko‘chirib yubordi. Oqibatda sayyohlarni evakuatsiya qilishga to‘g‘ri kelgan, sayyohlik hududining o‘zi esa o‘rab olingan.

Italiya shimolida kuchli shamol elektr tarmog‘iga shikast yetkazgani uchun temiryo‘l liniyasi ham yopildi.

So‘nggi kunlarda G‘arbiy Yevropada tinimsiz bo‘ronlar kuzatilmoqda.