18 августга ўтар кечаси рус қўшинлари Харьковга бир неча марта ракета ҳужумларини уюштирди. Икки умумий ётоқхона, Маданият уйи ва бошқа бир қанча фуқаролик бинолари вайрон бўлган, камида 17 киши ҳалок бўлган, яна 42 киши жароҳатланган. Россия Мудофаа вазирлиги бу зарбалар «хорижий ёлланма аскарларни» нишонга олганини даъво қилмоқда. Украина президенти Владимир Зеленский эса бу тинч аҳолига қарши разиллик билан уюштирилган ҳужум эканини айтди. Львовда Владимир Зеленский, БМТ Бош котиби Антониу Гутерриш ва Туркия президенти Ражаб Тоййиб Эрдўғон ўртасида уч томонлама музокаралар бўлиб ўтди. Россия ва Украина ҳарбийлари бир-бирини Запорожье атом электр станциясида провокациялар тайёрлашда айблади. Meduza урушнинг 176-кунига оид асосий фотосуратларни жамлади.
Куннинг асосий воқеаси. Харьковдаги умумий ётоқхоналарга ҳужумлар
Харьковликлар Россия ракетаси тушган бино вайроналари ёнида бир бирига далда бермоқда. 17 август куни кечқурун ва 18 август куни эрта тонгда рус қўшинлари шаҳарни ўққа тутди, иккита умумий ётоқхона вайрон қилинди. Охирги маълумотларга кўра, 17 киши ҳалок бўлган, 42 киши яраланган. Россия Мудофаа вазирлиги «хорижий ёлланма аскарларга мўлжалланган вақтинчалик база»га зарба берганини даъво қилди.Фото: AP Photo
Харьковнинг Холодногорск туманидаги Маданият уйи биносига 18 август куни эрта тонгда Россия ракетаси урилди. Ўт ўчирувчи ҳужумдан кейинги ёнғинни ўчирмоқда.Фото: Reuters
Холодногорск туманидаги Маданият уйи харобалари устида ишлаётган ўт ўчирувчилар.Фото: Reuters
Николаев
Николаевда ичимлик суви учун навбат. Херсондан 100 километрдан камроқ масофада жойлашган ушбу порт шаҳар босқин бошида рус армиясининг асосий нишонларидан бири бўлган, бироқ ишғолдан қутулиб қолган. Шунга қарамай, Николаев шаҳри ва вилояти Россия томонидан доимий равишда ўққа тутилмоқда.Фото: AFP
Россиянинг Николаевга навбатдаги ракета ҳужумидан жабрланган ярадорлар ва касалхонага уларни кўришга келган қариндошлари.Фото: AFP
Львов
Украина президенти Владимир Зеленский госпиталда Украина Қуролли Кучларининг ярадор аскарига мукофот топширди.Фото: Украина президенти матбуот хизмати
Владимир Зеленскийнинг гетман Пётр Сагайдачний номидаги қуруқликдаги қўшинлар миллий академиясига ташрифи чоғида президент ва Украина Қуролли Кучлари аскарлари ҳалок бўлган Украина ҳимоячилари хотирасига бир дақиқалик сукут сақламоқда.Фото: Украина президенти матбуот хизмати
Донбасс шимоли
Донецк вилоятининг Дружковка шаҳрида яшовчи кишилар Россия ўқларидан шикастланган томни таъмирламоқда. Бу шаҳар Донбасс шимолидаги рус армиясининг асосий нишонлари бўлган Славянск ва Краматорскнинг жанубида жойлашган, у Россия томонидан мунтазам равишда ўққа тутилмоқда.Фото: AP Photo
Дружковка осмонида учаётган қирувчи самолёт.Фото: AP Photo
Дружковкалик қиз ити билан сайр қилмоқда. Шаҳардаги аҳолининг аксарият қисми эвакуация қилинган.Фото: AP Photo
Изоҳ (0)