Лондоннинг «Челси» жамоаси «Барселона» ҳужумчиси Пьер-Эмерик Обамеянгни харид қилишига ишончи комил.
Лондонликлар 33 ёшли габонлик футболчи учун каталонияликларга таклиф юборган.
«Аристократлар» ҳозирча футболчининг ўзи билан шахсий шартнома борасида музокара ўтказгани йўқ.
«Барселона» бош мураббийи Хави Обамеянгни қўйиб юбормоқчи эмас. Ҳужумчи испаниялик мутахассиснинг режаларига киради. «Челси» устози Томас Тухель ҳам футболчи билан боғланган ва ушбу трансфер амалга ошишига ишонмоқда.
Эслатиб ўтамиз, Обамеянг қишки трансферлар ойнасида «Арсенал» билан шартномасини бекор қилиб, «Барселона»га ўтган эди. Испанияда ҳужумчи 24 та ўйинда иштирок этиб, 13 та голга муаллифлик қилган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)