Nani: “Manchester Yunayted” bosh murabbiyi kuchli jamoa qurmoqchi, Ronalduda esa buni kutishga vaqt yo‘q

“Manchester Yunayted” sobiq futbolchisi Nani Krishtianu Ronalduning vaziyati haqida gapirdi.

Biz u bilan anchadan buyon birga o‘ynamayapmiz, Krishtianu endi yosh bola emas. Barchasi o‘zgaradi, munosabatlar o‘zgarishi mumkin.

U avval nima qilgan bo‘lsa, hozir ham shuni takrorlayapti. U mag‘lubiyatni yoqtirmaydi, jamoa yomon o‘ynasa, bunga munosabatini bildiradi. Bittagina farq — bu turli davrlarda bo‘lgan.

Ronaldu “Manchester Yunayted”da va turli jamoalarda, dunyoning turli futbolchilari bilan birga to‘p surgan. U hozirda kuchli jamoa qurmoqchi bo‘lgan murabbiy (Erik ten Hag) qo‘l ostida o‘ynayapti, bu oson bo‘lmaydi. Bu vaqt talab qiladi, Krishtianuda esa jamoa qurilishini yoki keyingi mavsumni kutish uchun vaqt yo‘q.

Krishtianu eng yaxshisi bo‘lishni, yuqorida qolishni, gollar urishni xohlaydi. Mana nima uchun uning munosabatini to‘g‘ri qabul qilish kerak.

Nani, “Melburn Viktori” futbolchisi