Termiz tumanida yer savdosi bilan bog‘liq firibgarlik holati fosh etildi.
Bosh prokuratura huzuridagi departamentning Termiz tuman bo‘limi tomonidan tergovga qadar tekshiruv o‘tkazilgan.
Unda, fuqaro E.R. “N.J.” fermer xo‘jaligiga tegishli 30 sotix yer maydonini fuqaro B.ga o‘zining yer maydoni sifatida ko‘rsatib, ushbu yer maydonini 105 mln so‘mga sotishga kelishib, hujjatlarini keyinchalik rasmiylashtirib berishni va’da qilib, oldindan 70 mln so‘mini firibgarlik yo‘li bilan qo‘lga kiritganligi aniqlangan.
Tekshiruv davomida, E.R. o‘z aybiga iqror bo‘lib, 15 mln so‘mni qaytarganligi protsessual tartibda rasmiylashtirilgan.
Mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)