Afrika shimoli-g‘arbidagi Jazoir davlatida “ArMI–2022” xalqaro armiya o‘yinlari doirasida o‘tkazilayotgan “Desant vzvodi” musobaqasining navbatdagi bosqichi yakuniga yetdi. O‘zbekiston jamoasi mazkur bosqichni muvaffaqiyatli boshladi, deb xabar bermoqda Mudofaa vazirligi axborot va ommaviy kommunikatsiyalar departamenti.
Mazkur bosqich doirasida jangovar texnikalar yordamida yakka tartibda ekipaj bilan tur xil to‘siqlardan o‘tib, belgilangan nishonlarni yo‘q qilish shartini bajargan.
O‘zbekiston, Jazoir, Belarus, Xitoy va Venesuela davlatlari jamoalari ishtirokidagi bahslar qizg‘in kechgan.
Musobaqaning ikkinchi bosqichi yakuniga ko‘ra, O‘zbekiston va mezbon davlat vakillari peshqadamlik qilmoqda. Undan keyingi o‘rinlarni hozircha Xitoy, Belarus hamda Venesuela jamoalari egallagan.
Mavzuga doir:
- O‘zbekiston merganlari xalqaro musobaqada Germaniya, Qatar, Ozarbayjonni ortda qoldirib, ikkinchi o‘rinni egalladi
- O‘zbekiston “ArMI-2022” xalqaro armiya o‘yinlarida 5 ta yo‘nalishga mezbonlik qiladi
- O‘zbekiston jamoasi “ArMI-2022” doirasida o‘tkaziladigan “Tank biatloni” musobaqasida ishtirok etadi
Izoh (0)