“Kommersant” nashrining xabar berishicha, Britaniya dori vositalari va sog‘liqni saqlash mahsulotlarini tartibga solish organi Moderna farmatsevtika kompaniyasi tomonidan ishlab chiqilgan koronavirusning omikron shtammiga qarshi qo‘llaniladigan vaksinasidan foydalanishni tasdiqladi. Bu BA-1 omikron variantidan himoya qiluvchi ikki valentli vaksina.
Ushbu vaksina buster doza sifatida ishlatiladi, MHRA uni kattalarda qo‘llashni ma’qullagan. Yangi preparat bilan shu yilning kuzida emlash mumkin bo‘ladi. Vaksina AQSH, Yevropa Ittifoqi va Kanadada ham tez orada tasdiqlanishi kutilmoqda.
BioNTech va Pfizer omikronning BA-1 versiyasi uchun vaksina ishlab chiqarishni bahorda boshlagan, biroq regulyatorlar hali undan foydalanishga ruxsat bermagan.
Kelgusida kompaniyalar omikronning BA-4 va BA-5 variantlariga qarshi vaksinaning klinik sinovlarini boshlaydi, bu hozirda infeksiyalarning 80 foizni tashkil qiladi.
Moderna kompaniyasi ma’lumotlariga ko‘ra, uning vaksinasi koronavirusning keng tarqalgan shtammi va BA-1 varianti omikronga qarshi ishlab chiqilgan bo‘lsa-da, klinik sinovlarda u BA-4 va BA-5 variantlariga qarshi yaxshi himoya darajasini ham ko‘rsatgan.
Izoh (0)