Qozog‘istonda tranzit transporti uchun dizelga nisbatan hamda chegara yaqinidagi yonilg‘i stansiyalarida differensiasiyalashgan narxlar kiritiladi — yonilg‘i narxi rezidentlik, sotib olinayotgan hajm va transport turiga qarab turlicha bo‘ladi, deb yozadi Asia Plus.
Bunday chora respublikada dizel yonilg‘isi tanqisligi oldini olish uchun taklif qilindi, dedi energetika vaziri Bolat Akchulakov hukumat majlisida. Uning so‘zlariga ko‘ra, allaqachon farmon loyihasi ishlab chiqilgan, unga muvofiq:
- Qozog‘iston fuqarolari uchun, agar haydovchilik guvohnomasi bo‘lsa, kunlik limit mavjud narx bo‘yicha (230—260 tenge — 0,5 dollar) 100 litr dizel yonilg‘isi, yuk transporti uchun esa, agar haydovchilik guvohnomasi va uning Qozog‘istonda ro‘yxatga olinganini tasdiqlovchi hujjatlar (texpasport) bo‘lsa, sutkalik limit 300 litrga teng bo‘ladi;
- Boshqa guruhdagi shaxslar uchun, shuningdek, hajmi yuqorida ko‘rsatilgandan oshsa, dizel yonilg‘isi bir litr uchun 450 tenge (0,9 dollar)dan beriladi.
Chegarachilar hisoblab chiqishicha, har kuni mamlakatga qariyb 4,5 mingta yuk mashinasi kirib keladi, ularning taxminan 70 foizi — chet elniki. Oxir-oqibat, yonilg‘i stansiyalaridagi past narxlar o‘rtacha bir oylik iste’mol qariyb 120 ming tonnage o‘sishiga olib kelmoqda.
Yuzaga kelgan vaziyat tufayli Qozog‘istonning bir qator hududlari allaqachon yonilg‘i tanqisligiga duch keldi — yonilg‘i stansiyalarida u umuman yo‘q yoki cheklangan miqdorda quyilmoqda.
Izoh (0)