Қозоғистонда транзит транспорти учун дизелга нисбатан ҳамда чегара яқинидаги ёнилғи станцияларида дифференциациялашган нархлар киритилади — ёнилғи нархи резидентлик, сотиб олинаётган ҳажм ва транспорт турига қараб турлича бўлади, деб ёзади Asia Plus.
Бундай чора республикада дизель ёнилғиси танқислиги олдини олиш учун таклиф қилинди, деди энергетика вазири Болат Акчулаков ҳукумат мажлисида. Унинг сўзларига кўра, аллақачон фармон лойиҳаси ишлаб чиқилган, унга мувофиқ:
- Қозоғистон фуқаролари учун, агар ҳайдовчилик гувоҳномаси бўлса, кунлик лимит мавжуд нарх бўйича (230—260 тенге — 0,5 доллар) 100 литр дизель ёнилғиси, юк транспорти учун эса, агар ҳайдовчилик гувоҳномаси ва унинг Қозоғистонда рўйхатга олинганини тасдиқловчи ҳужжатлар (техпаспорт) бўлса, суткалик лимит 300 литрга тенг бўлади;
- Бошқа гуруҳдаги шахслар учун, шунингдек, ҳажми юқорида кўрсатилгандан ошса, дизель ёнилғиси бир литр учун 450 тенге (0,9 доллар)дан берилади.
Чегарачилар ҳисоблаб чиқишича, ҳар куни мамлакатга қарийб 4,5 мингта юк машинаси кириб келади, уларнинг тахминан 70 фоизи — чет элники. Охир-оқибат, ёнилғи станцияларидаги паст нархлар ўртача бир ойлик истеъмол қарийб 120 минг тоннаге ўсишига олиб келмоқда.
Юзага келган вазият туфайли Қозоғистоннинг бир қатор ҳудудлари аллақачон ёнилғи танқислигига дуч келди — ёнилғи станцияларида у умуман йўқ ёки чекланган миқдорда қуйилмоқда.
Изоҳ (0)