Toshkentning Navoiy shohko‘chasida olib borilayotgan yo‘l qurilishi ishlari sababli ushbu ko‘chaning yana bir qismi yopiladi.
Poytaxt hokimligi matbuot xizmatiga xabariga ko‘ra, 17-avgust soat 08:00 dan ishlar yakunlanguniga qadar ushbu ko‘chaning Xadra maydoni Furqat ko‘chasidan Chorsu maydoni, Beruniy va Samarqand darvoza ko‘chalari bilan kesishmasigacha bo‘lgan oralig‘i qisman yopiladi.
“Haydovchilardan aylanma yo‘llardan foydalanishlarini va noqulayliklar uchun uzr so‘raymiz”, — deyiladi xabarda.
Eslatib o‘tamiz, 14-avgust kuni ushbu ko‘chaning Abay ko‘chasi bilan kesishmasidan Xadra maydonining Furqat ko‘chasigacha bo‘lgan qismi yopilgandi.
Izoh (0)