2022-yil 15-avgustda “Toshkent” Fond birjasiga Georgi Paresishvili rahbar etib tayinlandi. Bu haqda Moliya vazirligining matbuot xizmati xabar bermoqda.
Giorgi Paresishvili 2014-yildan hozirgi kungacha Gruziya Fond birjasining rahbari bo‘lib kelgan. Shu bilan birga Gruziya Markaziy qimmatli qog‘ozlar depozitariysi Kuzatuv Kengashining raisi ham bo‘lgan.
Yangi boshqaruvchining vazifalariga ish samaradorligini oshirish, savdo qoidalarni yaxshilash va boshqalar kiradi.
Georgiy Paresishvili 1995-yilda Tbilisi davlat universitetining iqtisod fakultetini tamomlagan. Mehnat faoliyatini Tbilisidagi “Absolyut Bank”da boshlagan.
2000—2002-yillarda Michigan universiteti Stiven M Ross biznes maktabida tahsil olgan va Biznes boshqaruvi magistri (MBA) darajasini olgan.
2000—2005-yillarda u London va Nyu-Yorkda Shveysariyaning eng yirik moliyaviy konglomerati Credit Suisse investisiya bankining bo‘limi bo‘lgan Credit Suisse First Bostonda ishlagan.
2005-yildan keyin Georgiy Paresishvili Gruziyaning Terabank, Liberty Bank, Bank of Georgia va boshqa yetakchi banklarida boshqaruv lavozimlarda ishlagan.
Mamlakatdagi yagona “Toshkent” fond birjasi 1994-yil 8-aprelda shakllangan. Bugungi kunda u 100 dan ortiq brokerlik tashkilotlar va eng yangi uskunalarga ega bo‘lgan birja.
2021-yil birjada 71 489 ta tranzaksiya amalga oshirilgan va 1,2 trln so‘mlik bitimlar tuzilgan.
O‘tgan yil davomida birja savdolarida 108 ta emitent (aksiya chiqaradigan kompaniya) qatnashgan bo‘lib, 14,1 mlrd so‘mlik qimmatli qog‘ozlar sotilgan.
2021-yilda birjada 132 ta savdo vositalari ishtrokida 250 kun savdolar amalga oshirilgan.
Izoh (0)