2022 йил 15 августда «Тошкент» Фонд биржасига Георги Паресишвили раҳбар этиб тайинланди. Бу ҳақда Молия вазирлигининг матбуот хизмати хабар бермоқда.
Гиорги Паресишвили 2014 йилдан ҳозирги кунгача Грузия Фонд биржасининг раҳбари бўлиб келган. Шу билан бирга Грузия Марказий қимматли қоғозлар депозитарийси Кузатув Кенгашининг раиси ҳам бўлган.
Янги бошқарувчининг вазифаларига иш самарадорлигини ошириш, савдо қоидаларни яхшилаш ва бошқалар киради.
Георгий Паресишвили 1995 йилда Тбилиси давлат университетининг иқтисод факультетини тамомлаган. Меҳнат фаолиятини Тбилисидаги «Абсолют Банк»да бошлаган.
2000—2002 йилларда Мичиган университети Стивен М Росс бизнес мактабида таҳсил олган ва Бизнес бошқаруви магистри (МБА) даражасини олган.
2000—2005 йилларда у Лондон ва Нью-Йоркда Швейцариянинг энг йирик молиявий конгломерати Credit Suisse инвестисия банкининг бўлими бўлган Credit Suisse First Бостонда ишлаган.
2005 йилдан кейин Георгий Паресишвили Грузиянинг Терабанк, Liberty Банк, Банк оф Georgia ва бошқа етакчи банкларида бошқарув лавозимларда ишлаган.
Мамлакатдаги ягона «Тошкент» фонд биржаси 1994 йил 8 апрелда шаклланган. Бугунги кунда у 100 дан ортиқ брокерлик ташкилотлар ва энг янги ускуналарга эга бўлган биржа.
2021 йил биржада 71 489 та транзакция амалга оширилган ва 1,2 трлн сўмлик битимлар тузилган.
Ўтган йил давомида биржа савдоларида 108 та эмитент (акция чиқарадиган компания) қатнашган бўлиб, 14,1 млрд сўмлик қимматли қоғозлар сотилган.
2021 йилда биржада 132 та савдо воситалари иштрокида 250 кун савдолар амалга оширилган.
Изоҳ (0)