“Angren pipe plant” ustav kapitalidagi 100 foiz ulushni xususiylashtirish bo‘yicha professional konsalting kompaniyasi tanlab olinishi yuzasidan tanlov e’lon qilindi. Bu haqda Davlat aktivlarini boshqarish agentligi xabar berdi.
Agar birgalikda qo‘shma tijorat taklifi taqdim etilsa, jalb qilingan sherik-konsultantning ham ishini muvofiqlashtirish uchun mas’ul bo‘lgan va javobgarlikni zimmasiga oladigan asosiy konsultant ko‘rsatilishi lozim.
Korxona haqida ma’lumot
“Angren pipe plant” — O‘zbekistonda turli diametrli mis quvurlar ishlab chiqaruvchi korxona bo‘lib, loyiha quvvati yiliga 8 ming tonnani tashkil etadi.
Asosiy xomashyo sifatida Markaziy Osiyo mintaqasidagi eng yirik tog‘-kon va qayta ishlash korxonalaridan biri bo‘lgan “Olmaliq KMK” tomonidan asosiy metall tarkibi 99,99 foiz bo‘lgan katodli mis yetkazib beriladi.
2021-yil yakuniga ko‘ra, korxona 606,8 mlrd so‘m sof tushum, 167,2 mlrd so‘m sof foyda olgan.
Avvalroq “Dori-darmon” kompaniyasini xususiylashtirish jarayoni boshlangani haqida xabar berilgandi.
Izoh (0)