Ijtimoiy tarmoqlarda maktabgacha ta’lim muassasasi tarbiyalanuvchisining yuz qismida qizarib kuyish alomatlari mavjudligi bo‘yicha xabar tarqaldi. Toshkent shahar Ichki ishlar bosh boshqarmasi holatga munosabat bildirdi.
Qayd etilishicha, 10-avgust kuni Chilonzor tumani IIO FMB navbatchilik qismidan tushgan xabarga ko‘ra, Chilonzor tumanida joylashgan xususiy maktabgacha ta’lim muassasasi tarbiyalanuvchisi M.A. (2019-yilda tug‘ilgan) qarovsiz qolgan vaqtida ayollar sumkasida bo‘lgan ayollarni ko‘zga surtuvchi bo‘yog‘ini o‘ynab yuz qismiga surtgan.
Bu holatni ushbu tashkilotda tarbiyachi bo‘lib ishlovchi Z.A. (38 yoshli) ko‘rib qolib, bolani yuzini tozalash maqsadida tibbiy vositalardan surtgan.
Oqibatda voyaga yetmagan bolaning yuz qismi qizarib, kuyish alomatlari mavjudligi sababli tibbiyot muassasasiga murojaat qilingan. Bolaning olgan tan jarohatini aniqlash maqsadida sud-tibbiy ekspertizasi tayinlangan.
Hozirgi kunda Chilonzor tumani IIO FMB tomonidan tergovga qadar tekshiruv ishlari olib borilmoqda.
Izoh (0)