Iqtisodiy jinoyatlarga qarshi kurashish departamenti 2022-yilning yanvar—iyul oylarida tadbirkorlarning qonuniy faoliyat yuritishiga to‘sqinlik qilish hamda ularning huquq va manfaatlarining qo‘pol buzilishi bilan bog‘liq 224 ta huquqbuzarlikni fosh etdi.
Xususan, 35 ta davlat va boshqaruv organlari, 32 ta tijorat banklari, 18 ta kommunal xizmat ko‘rsatish korxonalari, 3 ta nazorat organlari va 136 ta boshqa idoralar mansabdor shaxslarining tadbirkorlar manfaatlariga qarshi qaratilgan huquqbuzarlik holatlarining oldi olinishi ta’minlangan.
O‘tkazilgan uchrashuvlar hamda qabullar davomida 1 300 dan ortiq tadbirkorning muammolari qonuniy tartibda hal etilgan.
Ko‘rsatilgan amaliy ko‘mak natijasida 34 ta holatda tadbirkorlik subyektlariga 33,6 milliard so‘m kreditlar ajratib berilgan. 8 ta holatda elektr energiyasi, tabiiy gaz va ichimlik suvi tarmoqlariga ulanish, 52 ta holatda ruxsatnoma va litsenziyalar olish hamda 1 209 ta boshqa holatlarda amaliy yordamlar ko‘rsatilgan.
Norasmiy ravishda tadbirkorlik bilan shug‘ullanayotgan hamda raqobat muhitiga salbiy ta’sir ko‘rsatayotgan 345 nafar shaxsning davlat ro‘yxatidan o‘tkazilishi orqali 375 ta yangi ish o‘rinlari tashkil etilishiga erishilgan.
Izoh (0)