Turkiyaning Konya shahrida bo‘lib o‘tayotgan V Islom birdamligi o‘yinlari davom etmoqda.
Og‘ir atletika bo‘yicha Akbar Jo‘rayev Islom birdamligi o‘yinlarida +109 kg vazn toifasida ishtirok etdi.
Jo‘rayev dast ko‘tarish mashqida 200 kg natija qayd etib, O‘zbekiston delegatsiyasi g‘aznasini yana bir oltin medal bilan to‘ldirdi. E’tiborlisi, Akbar bu ko‘rsatkichi bilan musobaqa rekordini o‘rnatishga muvaffaq bo‘ldi.
Eslatib o‘tamiz, Akbar Jo‘rayev Tokio—2020 Olimpiadasida oltin medalni qo‘lga kiritgan. Sportchi ushbu musobaqada dast ko‘tarishda 193 kg vaznni bo‘ysundirgan, siltab ko‘tarishda 237 kilogrammni ko‘targan. Umumiy 430 kg vaznni bo‘ysundirgan 21 yoshli Jo‘rayev birinchi natijani qayd etgandi.
Izoh (0)