Туркиянинг Коня шаҳрида бўлиб ўтаётган V Ислом бирдамлиги ўйинлари давом этмоқда.
Оғир атлетика бўйича Акбар Жўраев Ислом бирдамлиги ўйинларида +109 кг вазн тоифасида иштирок этди.
Жўраев даст кўтариш машқида 200 кг натижа қайд этиб, Ўзбекистон делегацияси ғазнасини яна бир олтин медал билан тўлдирди. Эътиборлиси, Акбар бу кўрсаткичи билан мусобақа рекордини ўрнатишга муваффақ бўлди.
Эслатиб ўтамиз, Акбар Жўраев Токио—2020 Олимпиадасида олтин медални қўлга киритган. Спортчи ушбу мусобақада даст кўтаришда 193 кг вазнни бўйсундирган, силтаб кўтаришда 237 килограммни кўтарган. Умумий 430 кг вазнни бўйсундирган 21 ёшли Жўраев биринчи натижани қайд этганди.
Изоҳ (0)