Buxoroda o‘z uyida qimorxona tashkil qilgan shaxsga jinoyat ishi qo‘zg‘atildi

Buxoro viloyatining G‘ijduvon tumanida qimorbozlar o‘yiniga chek qo‘yildi, deb xabar bermoqda viloyat IIB matbuot xizmati.

Ma’lum qilinishicha, 6-avgust kuni soat taxminan 18:30 larda IIB xodimlari tomonidan olingan ma’lumotlar asosida tumanning  “Baraka” mahallasida o‘tkazilgan tezkor tadbir davomida mahallaning Oltinsoy qishlog‘ida yashovchi H.SH. (1986-yilda tug‘ilgan) ismli shaxs o‘z uyida tavakkalchilikka asoslangan qimor o‘yinini tashkil qilib, fuqarolar A.SH., R.B. va R.F.ning qimor o‘yini o‘ynashlari uchun sharoit yaratib bergani aniqlangan.

Mazkur holat yuzasidan tuman IIB Tergov bo‘limi tomonidan H.SH.ga nisbatan Jinoyat kodeksining 278-moddasi 1-qismi (qimor va tavakkalchilikka asoslangan boshqa o‘yinlarni tashkil etish hamda o‘tkazish) bilan jinoyat ishi qo‘zg‘atilib, dastlabki tergov harakatlari olib borilmoqda.

Bunday jinoyatni sodir etganlik uchun yetti yilgacha ozodlikdan mahrum qilish jazosi belgilangan.

Mavzuga doir:

• Qashqadaryoda bir guruh qimorbozlar qo‘lga tushdi
• Sirdaryoda zapravkadagi yashirin qimorxona fosh etildi