Peru politsiyasi va prokuraturasi Limadagi prezident saroyida tintuv o‘tkazdi, deb xabar bermoqda Deutsche Welle.
Nashrning yozishicha, huquq-tartibot idoralari Peru prezidentining kelini Yenifer Paredesni korrupsiya va pul yuvishda ayblab, hibsga olish uchun orderga ega bo‘lganidan keyin tintuv o‘tkazgan.
Reyd prezident Pedro Kastilyo tomonidan qattiq tanqid qilindi va u Bosh prokuraturani mamlakatdagi “konstitutsiyaviy va demokratik tuzumni buzish”da aybladi.
Konstitutsiyaviy va demokratik tuzumni buzishga intilayotganlar mening saylovimni tan olmaslik uchun saylovda mavjud bo‘lmagan soxtaliklarni da’vo qilgan o‘sha odamlardir”, — degan prezident Kastilyo.Shuningdek, u qarorgohidagi tintuvni “noqonuniy” deb atagan.
Politsiyaning bunday operatsiyasi mamlakatda misli ko‘rilmagan deya tariflandi. Qidiruv deyarli to‘rt soat davom etdi, biroq agentlar qochib yurgan Paredesni topa olmadilar. U prezidentning yashash joyi bo‘lgan Kajamarkadagi kanalizatsiyani tozalash loyihasida noqonuniy ishtirok etganlikda ayblanib, tergov qilinmoqda.
26 yoshli ayol hukumat saroyidagi prezident qarorgohida Kastilyo va uning oilasi bilan yashagan. U iyul oyi o‘rtalarida prokuratura va Peru Kongressi qo‘mitasi oldida guvohlik berishga chaqirilgan edi.
Poytaxtning boshqa hududlarida bir vaqtning o‘zida yana bir qancha sud reydlari o‘tkazilib, shahar hokimi va ikki tadbirkor xuddi shu korrupsiya tarmog‘iga aloqadorlikda ayblanib hibsga olingan.
Izoh (0)