AQSH prezidenti Jo Bayden Janubiy Karolinaga ta’til uchun jo‘nab ketdi va u yerda kamida bir hafta dam olishni rejalashtirmoqda, deb xabar qildi Reuters.
Agentlik ma’lumotlariga ko‘ra, prezident seshanba (16-avgust) kunigacha oilasi bilan Kiava orolida qolishni rejalashtirgan.
Kiava xususiy plyajlari va golf kurorti bilan mashhur, deya qayd etadi Reuters.
Bayden Janubiy Karolinaga Endryu havo kuchlari bazasidan rafiqasi Jill, o‘g‘li Xanter va uning rafiqasi Melissa Koen, nevarasi Bo hamrohligida uchib ketdi.
Bungacha Bayden koronavirus infeksiyasi testi musbat chiqqani uchun ikki hafta karantinda edi. Prezidentning davolovchi shifokori davlat rahbarida biroz holsizlik, quruq yo‘tal, tomoq og‘rig‘i borligini aytgan, biroq kasallik yengil kechganini ham ta’kidlagan.
Umuman olganda, prezident hozirda o‘zini yaxshi his qilmoqda. 7-avgust kuni Bayden ikkinchi testdan manfiy ko‘rsatgich bilan o‘tdi va karantindan chiqqan.
Mavzuga doir: Amerikaliklarning deyarli 40 foizi Bayden va Trampning ikkinchi muddatga qayta saylanishini istamaydi
Izoh (0)