Surxondaryoda o‘zganing 9,2 mln so‘m pulini o‘zlashtirgan kirakashlar ushlandi

Surxondaryo viloyati Jo‘raqo‘rg‘on tumanida fuqaro pulini boshqa shaxsga yetkazib bermay, o‘zlashtirib yuborgan taksi haydovchilari ushlandi.

Jarqo‘rg‘on tumanida 2022-yil 16-iyul kuni, tumanning “Quldovli” mahallasida yashovchi, Yu.Dilshod (ism shariflar o‘zgartirilgan) tuman IIBga ariza bilan murojaat qilgan.

Arizada yozilishicha, 3-iyun kuni Jarqo‘rg‘on–Denov yo‘nalishdagi bekatda, Lacetti avtomashina haydovchisi Denov tumanida yashovchi, Y.K. va Y.J.ga 9 200 000 (to‘qqiz million ikki yuz ming) so‘m pullarini Sho‘rchi tumanidagi Iskandar ismli shaxsga olib borib berishini aytib berib yuborgan.

Y.K. va Y.J. ushbu pullarni aytilgan manzilga olib bormasdan o‘zining ehtiyojiga ishlatib yuborganini bildirgan.

27-iyul kuni Y.K. va Y.J.ga nisbatan Jinoyat kodeksining 168-moddasi 2-qismi bilan jinoyat ishi qo‘zg‘atilgan.