9-avgust kuni Qrimning Novofedorovka qishlog‘ida Rossiya aviabazasida portlashlar yuz berdi. 13 kishi yaralandi. Rossiya Mudofaa vazirligi qayd etishicha, jangovar o‘q-dorilar portlab ketgan, Ukraina hukumati ham zarba uchun javobgarlikni zimmasiga olmayapti. LXR hukumati ma’lum qilishicha, ehtimol, Popasnaya shahri qayta tiklanmaydi, u yerda urushdan avval qariyb 20 ming kishi yashardi. U janglar davomida deyarli to‘liq vayron bo‘ldi. Amerikalik aktyor Stiven Sigal Yelenovkada ukrainalik harbiy asirlar uchun koloniyaga tashrif buyurdi, u yerda yaqinda baraklardan birida sodir bo‘lgan portlashdan keyin 53 kishi halok bo‘lgandi. Rossiya Liberal-demokratik partiyasi yetakchisi Leonid Slutskiy ham KXDR va Nikaraguadan kelgan “xalqaro ekspertlar” bilan birga u yerga bordi. Meduza urushning 167-kuniga oid asosiy suratlar bilan bo‘lishdi.
Qrim
Qrimdagi Novofedorovka qishlog‘ida Rossiya aviabazasidan chiqayotgan tutun. 9-avgust kuni qishloq yaqinidagi Rossiya aviabazasida portlashlar yuz berdi, 13 kishi yaralandi. Internetda, go‘yoki, bazada yonayotgan samolyotlar aks etgan videolar tarqalmoqdaFoto: Reuters
Novofedorovkadagi portlashdan keyin parchalanib ketgan deraza oynalari. Qishloq Yevpatoriyadan 30 km masofada joylashganFoto: Reuters
Rossiya harbiy bazasidan ko‘tarilayotgan tutun fonida Novofedorovka plyajida dam olayotgan odamlarFoto: Reuters
Donbass shimoli
LXR nazorati ostida bo‘lgan Rubejnoye shahridagi ko‘cha. Shahar may oyidayoq Rossiya armiyasi va LXR kuchlari tomonidan egallangan edi. Ukraina OAVlariga ko‘ra, janglar chog‘ida halok bo‘lgan tinch aholi jasadlari avgustga qadar ko‘chalarda yotganFoto: “TASS”
Ayol Rubejnoye ko‘chalaridan birida e’lonlarni o‘qimoqda. Shunisi ma’lumki, ukrain partizanlari shaharda rossiyaparast hukumatga qaratilgan tahdidlardan iborat e’lonlarni yopishtirib chiqmoqdaFoto: “TASS”
Ukrainalik qutqaruvchi Rossiya o‘qqa tutishi oqibatida yaralangan Baxmut fuqarosiga yordam ko‘rsatmoqda. Baxmut va unga yaqin Soledar har kuni o‘qqa tutilmoqda, front chizig‘i shahar yaqinidan o‘tganFoto: Anadolu Agency
Ukrainalik harbiy Severskda vayron bo‘lgan turar joy fonida. Urushgacha shaharda qariyb 10 ming aholi yashagan, ammo u bir oydan buyon davom etayotgan janglar chog‘ida deyarli to‘liq vayron bo‘ldi. DXRda iyul o‘rtalaridayoq shahar to‘liq qurshab olinganini aytishgandi. Biroq gumanitar yordam tarqatayotgan ukrainalik ko‘ngillilar 8-avgustga qadar u yerga bora olishganFoto: Instagram
Qutqaruvchilar Baxmutdagi otishma chog‘ida jabrlangan ayolga yordam bermoqdaFoto: Anadolu Agency
Zaporojye
Zaporojye shahri aholisi gumanitar yordam olmoqda. Zaporojye viloyatining Rossiya tomonidan bosib olingan rossiyaparast hukumati RF tarkibiga kirish haqidagi referendumga tayyorlanayotgan bir paytda, Zaporojye shahri Ukraina nazorati ostida qolmoqdaFoto: AP Photo
Zaporojye aholisi gumanitar yordam uchun navbatda turibdiFoto: AP Photo
Nikolayev
66 yoshli Natalya Gimza Nikolayevda qochqinlarni vaqtinchalik joylashtirish markazida. Natalyaning Nikolayev viloyati Ukrainka qishlog‘idagi uyi Rossiya qo‘shinlari o‘qqa tutishi oqibatida vayron bo‘lganFoto: AP Photo
Nikolayevdan 10 km uzoqlikda joylashgan Vesnyanoye qishlog‘i yaqinidagi zarbalardan keyin dalalardan tutun ko‘tarilmoqda. 9-avgust kuni Rossiya qo‘shinlari shahar atrofini o‘qqa tutdi, turar joylarga zarar yetdi, jabrlanganlar haqida xabar berilgani yo‘qFoto: Reuters
O‘t o‘chiruvchilar Vesnyanoye yaqinida Rossiya zarbasidan keyin yonib ketgan o‘rmonda yong‘inni o‘chirmoqdaFoto: Reuters
Kiyev viloyati
Irpenda “avtomobillar qabristoni” yonida turgan qiz. Bu yerga buzilgan avtomobillar tashib keltirilgan, Rossiya qo‘shinlari kelganidan keyin (ular bu yerda fevral oxiridan 28-martgacha bo‘lgan) mahalliy aholi shu mashinalarda shahardan evakuatsiya qilishga uringandi. Evakuatsiya chog‘ida rossiyalik harbiylar fuqarolar avtomobillarini o‘qqa tutgani bo‘yicha dalillar borFoto: AFP
Buchadagi tobutlar va qabrlar, u yerda Rossiya istilosi chog‘ida halok bo‘lganlarning jasadlari haligacha topilmoqda va dafn etilmoqda. Mahalliy hukumat ma’lumotlariga ko‘ra, o‘shanda shaharda 458 nafar tinch aholi halok bo‘lganFoto: Reuters
272 raqami tushirilgan xoch, u Rossiya istilosi chog‘ida halok bo‘lgan noma’lum kishining qabriga o‘rnatiladi. 9-avgust kuni Buchada 14 kishi dafn qilindiFoto: Reuters
Izoh (0)