9 август куни Қримнинг Новофедоровка қишлоғида Россия авиабазасида портлашлар юз берди. 13 киши яраланди. Россия Мудофаа вазирлиги қайд этишича, жанговар ўқ-дорилар портлаб кетган, Украина ҳукумати ҳам зарба учун жавобгарликни зиммасига олмаяпти. ЛХР ҳукумати маълум қилишича, эҳтимол, Попасная шаҳри қайта тикланмайди, у ерда урушдан аввал қарийб 20 минг киши яшарди. У жанглар давомида деярли тўлиқ вайрон бўлди. Америкалик актёр Стивен Сигал Еленовкада украиналик ҳарбий асирлар учун колонияга ташриф буюрди, у ерда яқинда бараклардан бирида содир бўлган портлашдан кейин 53 киши ҳалок бўлганди. Россия Либерал-демократик партияси етакчиси Леонид Слуцкий ҳам КХДР ва Никарагуадан келган «халқаро экспертлар» билан бирга у ерга борди. Meduza урушнинг 167-кунига оид асосий суратлар билан бўлишди.
Қрим
Қримдаги Новофедоровка қишлоғида Россия авиабазасидан чиқаётган тутун. 9 август куни қишлоқ яқинидаги Россия авиабазасида портлашлар юз берди, 13 киши яраланди. Интернетда, гўёки, базада ёнаётган самолётлар акс этган видеолар тарқалмоқдаФото: Reuters
Новофедоровкадаги портлашдан кейин парчаланиб кетган дераза ойналари. Қишлоқ Евпаториядан 30 км масофада жойлашганФото: Reuters
ЛХР назорати остида бўлган Рубежное шаҳридаги кўча. Шаҳар май ойидаёқ Россия армияси ва ЛХР кучлари томонидан эгалланган эди. Украина ОАВларига кўра, жанглар чоғида ҳалок бўлган тинч аҳоли жасадлари августга қадар кўчаларда ётганФото: «ТАСС»
Аёл Рубежное кўчаларидан бирида эълонларни ўқимоқда. Шуниси маълумки, украин партизанлари шаҳарда россияпараст ҳукуматга қаратилган таҳдидлардан иборат эълонларни ёпиштириб чиқмоқдаФото: «ТАСС»
Украиналик қутқарувчи Россия ўққа тутиши оқибатида яраланган Бахмут фуқаросига ёрдам кўрсатмоқда. Бахмут ва унга яқин Соледар ҳар куни ўққа тутилмоқда, фронт чизиғи шаҳар яқинидан ўтганФото: Anadolu Agency
Украиналик ҳарбий Северскда вайрон бўлган турар жой фонида. Урушгача шаҳарда қарийб 10 минг аҳоли яшаган, аммо у бир ойдан буён давом этаётган жанглар чоғида деярли тўлиқ вайрон бўлди. ДХРда июль ўрталаридаёқ шаҳар тўлиқ қуршаб олинганини айтишганди. Бироқ гуманитар ёрдам тарқатаётган украиналик кўнгиллилар 8 августга қадар у ерга бора олишганФото: Instagram
Қутқарувчилар Бахмутдаги отишма чоғида жабрланган аёлга ёрдам бермоқдаФото: Anadolu Agency
Запорожье
Запорожье шаҳри аҳолиси гуманитар ёрдам олмоқда. Запорожье вилоятининг Россия томонидан босиб олинган россияпараст ҳукумати РФ таркибига кириш ҳақидаги референдумга тайёрланаётган бир пайтда, Запорожье шаҳри Украина назорати остида қолмоқдаФото: AP Photo
Запорожье аҳолиси гуманитар ёрдам учун навбатда турибдиФото: AP Photo
Николаев
66 ёшли Наталья Гимза Николаевда қочқинларни вақтинчалик жойлаштириш марказида. Натальянинг Николаев вилояти Украинка қишлоғидаги уйи Россия қўшинлари ўққа тутиши оқибатида вайрон бўлганФото: AP Photo
Николаевдан 10 км узоқликда жойлашган Весняное қишлоғи яқинидаги зарбалардан кейин далалардан тутун кўтарилмоқда. 9 август куни Россия қўшинлари шаҳар атрофини ўққа тутди, турар жойларга зарар етди, жабрланганлар ҳақида хабар берилгани йўқФото: Reuters
Ўт ўчирувчилар Весняное яқинида Россия зарбасидан кейин ёниб кетган ўрмонда ёнғинни ўчирмоқдаФото: Reuters
Киев вилояти
Ирпенда «автомобиллар қабристони» ёнида турган қиз. Бу ерга бузилган автомобиллар ташиб келтирилган, Россия қўшинлари келганидан кейин (улар бу ерда февраль охиридан 28 мартгача бўлган) маҳаллий аҳоли шу машиналарда шаҳардан эвакуация қилишга уринганди. Эвакуация чоғида россиялик ҳарбийлар фуқаролар автомобилларини ўққа тутгани бўйича далиллар борФото: AFP
Бучадаги тобутлар ва қабрлар, у ерда Россия истилоси чоғида ҳалок бўлганларнинг жасадлари ҳалигача топилмоқда ва дафн этилмоқда. Маҳаллий ҳукумат маълумотларига кўра, ўшанда шаҳарда 458 нафар тинч аҳоли ҳалок бўлганФото: Reuters
272 рақами туширилган хоч, у Россия истилоси чоғида ҳалок бўлган номаълум кишининг қабрига ўрнатилади. 9 август куни Бучада 14 киши дафн қилиндиФото: Reuters
Изоҳ (0)