Polshalik shaxmatchi, FIDE masteri Kamil Plichta o‘zbekistonlik grossmeyster Nodirbek Abdusattorovning g‘alabasiga o‘zgacha reaksiya bildirdi.
“Keyingi farzandimning ismini Nodirbek qo‘yaman. Hatto qiz bo‘lsa ham farqi yo‘q”, — degan Plichta o‘zining Twitter sahifasida.
My next child's name is Nodirbek, Even if it is a girl, I remotely don't care.
— Kamil Plichta (@Kaldas90) August 8, 2022
Nodirbek Butunjahon shaxmat Olimpiadasining 10-turida Hindiston vakili Gukesh Dommaraju ustidan g‘alabaga erishdi. Partiyaning katta qismida Hindiston vakili dominantlik qildi, biroq Nodirbek bahs davomida raqibining xatosidan foydalanib, g‘alabani ilib ketdi.
O‘zbekiston erkaklar terma jamoasi so‘nggi 11-tur doirasida Niderlandiyaga qarshi dona suradi. Mazkur bellashuvdagi g‘alaba O‘zbekistonga chempionlikni olib kelishi mumkin.
Izoh (0)