Yevropaning eng yirik iqtisodiyoti murakkab vaziyatda. Bu butun qit’a uchun muammo tug‘dirishi mumkin, deb xabar bermoqda CNN nashri.
Federal Statistika boshqarmasining dastlabki ma’lumotlariga ko‘ra, Germaniya chakana savdosi iyun oyida o‘tgan yilning shu oyiga nisbatan 8,8 foizga kamaygan. Bu 1994-yildan beri eng katta pasayish.
Germaniyada o‘sib borayotgan inflyatsiya odamlarning sarf-xarajat qobiliyatini tekshirdi, yaqinlashib kelayotgan energetika inqirozi esa mamlakatda retsessiya xavfini oshirmoqda.
Yevropa Ittifoqi iqtisodiyoti o‘tgan yilga nisbatan ikkinchi chorakda kutilmaganda 4 foizga o‘sgan bo‘lsa-da, Germaniyadagi sekinlashuv bu ko‘rsatkich qisqarishiga sabab bo‘lishi mumkin.
Mamlakat Yevropa Ittifoqi yalpi ichki mahsulotining chorak qismini tashkil qiladi.
Germaniya Ukrainadagi urush boshlanishidan oldin Rossiyaning gaz importidagi ulushini 55 foizdan 35 foizga qisqartirishga muvaffaq bo‘lgan.
Sanksiyalar tufayli yuzaga kelgan vaziyatdan esa kelgusi ikki yil ichida uning iqtisodiyoti 220 milliard yevro (226 milliard dollar) zarar ko‘rishi mumkin.
Avvalroq gaz muammosi sabab Yevropa qiyin vaziyatda, biroq Rossiyada ahvol bundan ham yomonroqligi haqida xabar berilgandi.
Izoh (0)