To‘g‘ridan to‘g‘ri investitsiyalar Markaziy Osiyoning iqtisodiy o‘sishiga qanday ta’sir qiladi?

To‘g‘ridan to‘g‘ri xorijiy investitsiyalar (TTXI) oqimi Markaziy Osiyo mamlakatlarining iqtisodiy o‘sishiga qanday ta’sir qilishini aniqlandi. Bu jarayonda PMTI mutaxassislari tadqiqot o‘tkazdi.

Tadqiqot natijalariga ko‘ra, to‘g‘ridan to‘g‘ri xorijiy investitsiyalar oqimining 1 foizga o‘sishi Markaziy Osiyo mamlakatlaridagi iqtisodiy o‘sishning 0,16 foiz o‘zgarishiga olib keladi.

TTXI oqimiga, o‘z navbatida, ichki bozor hajmi, savdoning ochiqligi, tabiiy resurslar rentabelligi, infratuzilmalar sifati va inson kapitali kabi omillar ta’sir etadi.

Bunda ichki bozor hajmi TTXI oqimiga sezilarli va ijobiy ta’sir qiluvchi asosiy omil deb baholandi. Jumladan, bozor hajmining 1 foizga o‘sishi TTXI oqimining 1,2 foizga o‘sishiga olib kelishi aniqlandi.

Infratuzilmalar sifati va inson kapitalining 1 foizga yaxshilanishi TTXI oqimining mos ravishda 0,15 va 0,51 foizga o‘sishiga olib keladi.

Savdoning ochiqligi va tabiiy resurslarning rentabelligi ham TTXIga ijobiy ta’sir qiladi, ammo ta’sir ko‘lami juda past bo‘ladi.