Turkiyada inflyatsiya qariyb 80 foizga yetdi

Turkiya statistika instituti (Turkstat) ma’lumotlariga ko‘ra, iyul oyida Turkiyada iste’mol narxlari yillik hisobda 79,6 foizga oshgan. 

Iyul oyida inflyatsiya 1998-yil sentabridan beri eng yuqori darajaga yetdi. Tahlilchilar narxlar oshishi 79,8 foizga yetishini prognoz qilmoqda.

Iyun oyida yillik inflyatsiya 78,6 foizni tashkil etgan edi. Inflyatsiyaning tezlashishi ketma-ket 14 oy davomida kuzatilmoqda.

Iyul oyida transport xizmatlari narxi 2,2 barobar (+119,1 foiz), energiya narxi esa 2,3 barobar (+129,3 foiz) oshdi. 

Oziq-ovqat va ichimliklar 94,65 foizga qariyb ikki barobar, uy-joy va kommunal xizmatlar narxi 70 foizga, mebel va maishiy texnika 88,4 foizga qimmatlashdi.

Chorshanba kungi kimoshdi savdosida turk lirasi AQSH dollariga nisbatan bir dollar uchun 17,95 liradan sotilmoqda. 

Mavzuga doir:

• O‘zbekiston va boshqa mamlakatlarda inflyatsiya darajasi qanday?
• Turkiyadagi vaziyat O‘zbekistonda narxlarning o‘sish xavfini yuzaga keltiradimi?