Германиядаги инқироз бутун Европа Иттифоқига қандай таъсир кўрсатиши маълум бўлди

Европанинг энг йирик иқтисодиёти мураккаб вазиятда. Бу бутун қитъа учун муаммо туғдириши мумкин, деб хабар бермоқда CNN нашри.

Федерал Статистика бошқармасининг дастлабки маълумотларига кўра, Германия чакана савдоси июнь ойида ўтган йилнинг шу ойига нисбатан 8,8 фоизга камайган. Бу 1994 йилдан бери энг катта пасайиш.

Германияда ўсиб бораётган инфляция одамларнинг сарф-харажат қобилиятини текширди, яқинлашиб келаётган энергетика инқирози эса мамлакатда рецессия хавфини оширмоқда.

Европа Иттифоқи иқтисодиёти ўтган йилга нисбатан иккинчи чоракда кутилмаганда 4 фоизга ўсган бўлса-да, Германиядаги секинлашув бу кўрсаткич қисқаришига сабаб бўлиши мумкин.

Мамлакат Европа Иттифоқи ялпи ички маҳсулотининг чорак қисмини ташкил қилади.

Германия Украинадаги уруш бошланишидан олдин Россиянинг газ импортидаги улушини 55 фоиздан 35 фоизга қисқартиришга муваффақ бўлган.

Санкциялар туфайли юзага келган вазиятдан эса келгуси икки йил ичида унинг иқтисодиёти 220 миллиард евро (226 миллиард доллар) зарар кўриши мумкин.

Аввалроқ газ муаммоси сабаб Европа қийин вазиятда, бироқ Россияда аҳвол бундан ҳам ёмонроқлиги ҳақида хабар берилганди.