Xalqaro valyuta fondi (XVF) ekspertlarining hisob-kitoblariga ko‘ra, qazib olinadigan yoqilg‘i narxlarining oshishi Yevropa uy xo‘jaliklari xarajatlarini 2022-yilda o‘rtacha 7 foizga oshiradi. Bu haqda Kommersant xabar berdi.
Germaniyada energetika inqirozi yil oxirigacha atom elektr stansiyalarining to‘xtatilishi haqidagi muhokamani yanada kuchaytirdi.
Bundan tashqari, yaqinda mamlakat hukumati tomonidan ilgari faoliyat ko‘rsatmagan o‘nta ko‘mir va oltita mazut IESni ishga tushirishga ruxsat berildi.
Ko‘pgina Yevropa mamlakatlarida iste’mol narxlari indeksiga yuqori energiya narxlarining hissasi uch foiz punktdan oshdi.
Belgiya, Niderlandiya, Ruminiya, Gretsiya, Estoniya, Latviya va Litvada esa bu ko‘rsatkich besh foiz punktdan yuqoriladi.
Shuningdek, energiya narxining ko‘tarilgani kambag‘al uy xo‘jaliklariga ko‘proq zarar yetkazishi kutilmoqda.
Qishloq sharoitida xarajatlar yana ham oshib bormoqda, jamoat transporti cheklanganligi sababli u yerlarda odamlar shaxsiy avtomobillar uchun yonilg‘iga ko‘proq pul sarflashi kerak.
XVF energiya sarfini kamaytirishga intilayotgan kompaniyalarga vaqtinchalik yoki bir martalik yordam ko‘rsatishni maslahat bermoqda.
Bir qator mamlakatlarda esa mavjud energetika inqirozi ko‘mir va atom elektr stansiyalaridan voz kechishni ortga surmoqda.
Izoh (0)