Халқаро валюта фонди (ХВФ) экспертларининг ҳисоб-китобларига кўра, қазиб олинадиган ёқилғи нархларининг ошиши Европа уй хўжаликлари харажатларини 2022 йилда ўртача 7 фоизга оширади. Бу ҳақда Коммерсант хабар берди.
Германияда энергетика инқирози йил охиригача атом электр станцияларининг тўхтатилиши ҳақидаги муҳокамани янада кучайтирди.
Бундан ташқари, яқинда мамлакат ҳукумати томонидан илгари фаолият кўрсатмаган ўнта кўмир ва олтита мазут ИЭСни ишга туширишга рухсат берилди.
Кўпгина Европа мамлакатларида истеъмол нархлари индексига юқори энергия нархларининг ҳиссаси уч фоиз пунктдан ошди.
Бельгия, Нидерландия, Руминия, Греция, Эстония, Латвия ва Литвада эса бу кўрсаткич беш фоиз пунктдан юқорилади.
Шунингдек, энергия нархининг кўтарилгани камбағал уй хўжаликларига кўпроқ зарар етказиши кутилмоқда.
Қишлоқ шароитида харажатлар яна ҳам ошиб бормоқда, жамоат транспорти чекланганлиги сабабли у ерларда одамлар шахсий автомобиллар учун ёнилғига кўпроқ пул сарфлаши керак.
ХВФ энергия сарфини камайтиришга интилаётган компанияларга вақтинчалик ёки бир марталик ёрдам кўрсатишни маслаҳат бермоқда.
Бир қатор мамлакатларда эса мавжуд энергетика инқирози кўмир ва атом электр станцияларидан воз кечишни ортга сурмоқда.
Изоҳ (0)