Chet elliklar Ukraina Qurolli kuchlarida xizmat shartnomasini biryo‘la 10 yilgacha uzaytirishi mumkin. Ukraina prezidenti Vladimir Zelenskiy tegishli farmonni imzoladi.
Ushbu farmon xorijliklar va fuqaroligi bo‘lmagan shaxslarning Ukraina Qurolli kuchlarida harbiy xizmatni o‘tashi to‘g‘risidagi nizomga o‘zgartirishlar kiritadi.
Harbiy xizmatchilar uchun maxsus davrda ularning xohishiga ko‘ra, yangi shartnoma bo‘yicha harbiy xizmat o‘tash muddati bir yildan 10 yilgacha, ammo harbiy xizmat uchun chegaralangan yoshdan o‘tib ketilmagan holda uzaytirilishi mumkin, — deyiladi Ukraina prezidenti saytida e’lon qilingan hujjat matnida.
Chet elliklarning harbiy xizmat o‘tashi to‘g‘risidagi avvalgi qoida shartnomani besh yilga uzaytirishni nazarda tutar edi.
Zelenskiyning farmoniga ko‘ra, Ukraina Qurolli kuchlarida xizmat qilayotgan xorijliklarga har yili ta’til beriladi, uning davomiyligi xizmat stajiga bog‘liq bo‘ladi.
Ish staji 10 yildan kam bo‘lsa, ta’til 30 kalendar kunni, 10 yildan 15 yilgacha bo‘lsa, 35 kunni tashkil qiladi.
15 yildan 20 yilgacha ish stajiga ega bo‘lgan harbiy xizmatchilar uchun ta’tilning davomiyligi 40 kun, 20 yildan ortiq bo‘lganlar uchun esa 45 kun.
Izoh (0)