Rossiyaliklarning uchdan bir qismi (35 foizi) Quyoshning Yer atrofida aylanishi haqidagi nazariyalarni qo‘llab-quvvatlaydi. Bu hisob-kitoblar Butunrossiya jamoatchilik fikrini o‘rganish markazi tomonidan o‘tkazilgan so‘rovnomada keltirilgan.
Ta’kidlanishicha, so‘nggi yillarda bu toifadagi rossiyaliklar soni ortgan. 2007-yilda respondentlarning 28 foizi Quyoshning Yer atrofida aylanishiga ishongan bo‘lsa, 2011-yilda ko‘rsatkich 32 foizga yetgan.
Shu bilan birga, markaz boshqa nazariyalar bo‘yicha ham jamoatchilik fikrini o‘rgangan. Xususan, respondentlarning 21 foizi dastlabki odamlar dinozavrlar bilan bir vaqtda yashagani haqidagi farazlarni yoqlagan (2007-yilda — 30 foiz, 2011-yilda —28 foiz).
Izoh (0)