Iyul oyining so‘nggi haftasida Ai-80 benzinining ulgurji narxi 9,8 foizga pasaydi. Bu haqda tovar-xomashyo birjasi xabar bermoqda.
25-iyul kuni yonilg‘ining bir tonnasi qariyb 8,54 million so‘m bo‘lgan bo‘lsa, 29-iyul kuni unga 7,699 million so‘mdan taklif qilindi. Bir litrning birja narxi yil boshidagi darajaga tushdi — 5,7 ming so‘m.
Ulgurji sotuvda Ai-91 benzini narxi ham tushdi. Bu turdagi benzinning hafta boshida bir tonnasi 15,95 million so‘mga baholangan bo‘lsa, yakunda 14,54 million so‘mga yoki 8,8 foizga arzonlashdi.
Birjada dizel yoqilg‘isi o‘rtacha 0,7 foizga oshib, 16,4 million so‘m bo‘lmoqada.
Avvalroq O‘zbekistonda va boshqa davlatlarda o‘rtacha oylikka qancha benzin sotib olish mumkinligi ma’lum qilingan edi.
O‘zbekistonda o‘rtacha oylik ish haqi 275 dollar, 1 litr benzinning narxi esa 0,95 dollar. Ushbu oylikka 290 litr benzin sotib olish mumkin.
2022-yil iyun oyida eng arzon benzin Jazoir (0,31 dollar), Kuvayt (0,34 dollar) va Eronda (0,35 dollar) qayd etilgan. Gonkong esa eng yuqori narx — 1 litr benzin uchun 3 dollar.
Benzin narxining o‘rtacha ish haqiga nisbati bo‘yicha jahon reytingida Fors ko‘rfazi mamlakatlari yetakchi o‘rinlarni egallashda davom etmoqda: Qatar (5 968 litr), Kuvayt (5 578 litr) va Saudiya Arabistoni (4 372 litr).
Reytingda oxirgi o‘rinni Kuba egallab turibdi, u yerda o‘rtacha ish haqiga atigi 27 litr benzin olish mumkin.
Izoh (0)