O‘zbekistonda 2022-yilning birinchi yarmida ikkilamchi bozorda (eski uylar) o‘rtacha uy-joy narxlari 7,1 foizga o‘sdi. Bu haqda Iqtisodiy tadqiqotlar va islohotlar markazi “Daryo”ga xabar qildi.
Ma’lum bo‘lishicha birinchi chorakda eski uylar narxi 1 foizga ko‘tarilgan. Aprel—iyun oylarida esa bu ko‘rsatkich 6 foizga yetgan.
Yil boshidan buyon Toshkent shahrida ikkilamchi bozorida uy-joy narxlari 11,3 foizga oshdi.
Narxlar ko‘tarilishi birinchi chorakda 6,3 foiz bo‘lgan bo‘lsa, ikkinchi chorakda 4,3 foizga yetgan.
Uy-joy narxlarining o‘sishi barcha tumanlarda qayd etilgan.
Eng katta o‘sish ko‘rsatgan tumanlar:
- Mirzo Ulug‘bek — 18,7 foiz;
- Yakkasaroy — 16 foiz;
- Yashnobod — 14,3 foiz.
Hududlar kesimida joriy yilning birinchi yarmida uy-joy ko‘chmas mulk narxlarining eng katta o‘sish sur’atlari quyidagi viloyatlarda qayd etilgan:
- Toshkent — 15,6 foiz;
- Navoiy — 15 foiz;
- Surxondaryo — 13,3 foiz;
- Sirdaryo — 11,5 foiz.
Namangan (-13,3 foiz) va Samarqand (-1,3 foiz) viloyatlarida uy-joy narxlari pasaygan.
Mavzuga doir:
Izoh (0)