Ekaterra xalqaro choy kompaniyasi “hozirgi ish muhiti tufayli” Rossiyani tark etadi. Bu haqda kompaniya press-reliziga tayanib “Interfaks” xabar bermoqda.
Ekaterra 2022-yil oxirigacha Rossiyada Lipton, Saito va Brooke Bond choylarini ishlab chiqarishni to‘xtatmoqchi. Bu esa sotuvlar birozdan keyin to‘xtatilishini anglatadi.
Ekaterra dunyodagi eng yirik choy ishlab chiqaruvchilardan biridir. Kompaniya portfeliga 34 ta brend kiradi.
Bular orasida PG tips, Pukka, T2, TAZO va Lipton ham bor. 2022-yil boshida Ekaterra kompaniyasiga egalik qilgan Unilever o‘zining choy bo‘linmasini CVC Capital Partners VIII ga sotishni yakunlagan edi. Bitim 4,5 milliard yevroni tashkil etgan.
Avvalroq Rossiyada Coca-Cola va Pepsi analoglari bozorning 5 foizini egallagani haqida xabar berilgan edi.
Izoh (0)