NBA’ning afsonaviy o‘yinchisi Bill Rassell 88 yoshida vafot etdi. U ligada eng ko‘p sovrin qo‘lga kiritish bo‘yicha rekordchi hisoblanadi.
NBA’dagi 13 mavsumida (1956—1969) Rassell “Boston” tarkibida 11 marta chempion bo‘lgan. Basketbolchi, shuningdek, 5 marta mavsumning eng yaxshi o‘yinchisi unvoniga sazovor bo‘lgan va 12 marta Yulduzlar o‘yinida ishtirok etgan.
Undan tashqari Rassell “Seltiks” bosh murabbiyi sifatida 2 marta NBA chempionligini qo‘lga kiritgan (1968, 1969).
1975-yilda Jeyms Neysmit nomidagi basketbol shon-shuhrat zaliga kiritilgan va 2021-yilda murabbiylik faoliyatidagi yutuqlari uchun qaytadan shon-shuhrat zalidan joy olgan.
NBA 2009-yildan final bosqichining eng yaxshi o‘yinchisi uchun beriladigan sovrinni Bill Rassell nomi bilan atay boshlagan.
Izoh (0)