Fransiya milliy meteorologiya xizmati Meteo-France 1-avgustdan boshlab mamlakatda kuzatiladigan uchinchi issiq to‘lqin tufayli yuqori darajali yong‘in xavfidan ogohlantirdi. Bu haqda “Interfaks” xabar bermoqda.
Meteo-France’ning ma’lum qilishicha, ko‘p joylarda havo harorati 35 darajadan oshadi. Mamlakat janubi-g‘arbida esa harorat 39 darajaga yetishi mumkin.
31-iyuldan boshlab esa mamlakatning O‘rta Yer dengizi hududlarida (Oksitaniya, Provans va Korsika) mavsumiy shamollar tufayli kamida 37 darajaga yetgan haroratda yong‘in xavfi juda yuqori bo‘lishi bashorat qilingan edi. Ta’kidlangan sharoitda shamol yanada kuchayib, qurg‘oqchilik tufayli o‘simliklar oson yonib ketishi mumkin.
Iyun va iyul oylarida Fransiyada bir qator tarixiy harorat rekordlarini yangilagan ikkita issiq to‘lqin kuzatildi. Mamlakatning turli hududlarida o‘rmon yong‘inlarini o‘chirish uchun minglab o‘t o‘chiruvchilar safarbar qilindi. Yong‘inlar oqibatida katta o‘rmon maydonlari yo‘q bo‘lgan.
Izoh (0)