Франция миллий метеорология хизмати Меtео-France 1 августдан бошлаб мамлакатда кузатиладиган учинчи иссиқ тўлқин туфайли юқори даражали ёнғин хавфидан огоҳлантирди. Бу ҳақда «Интерфакс» хабар бермоқда.
Меtео-France’нинг маълум қилишича, кўп жойларда ҳаво ҳарорати 35 даражадан ошади. Мамлакат жануби-ғарбида эса ҳарорат 39 даражага етиши мумкин.
31 июлдан бошлаб эса мамлакатнинг Ўрта Ер денгизи ҳудудларида (Окситания, Прованс ва Корсика) мавсумий шамоллар туфайли камида 37 даражага етган ҳароратда ёнғин хавфи жуда юқори бўлиши башорат қилинган эди. Таъкидланган шароитда шамол янада кучайиб, қурғоқчилик туфайли ўсимликлар осон ёниб кетиши мумкин.
Июнь ва июль ойларида Францияда бир қатор тарихий ҳарорат рекордларини янгилаган иккита иссиқ тўлқин кузатилди. Мамлакатнинг турли ҳудудларида ўрмон ёнғинларини ўчириш учун минглаб ўт ўчирувчилар сафарбар қилинди. Ёнғинлар оқибатида катта ўрмон майдонлари йўқ бўлган.
Изоҳ (0)