O‘zbekistonga 6 oyda 40 ming nafarga yaqin bemor davolanish uchun keldi

Sog‘liqni saqlash vazirligi tizimda 2022-yilning dastlabki 6 oyida amalga oshirilgan ishlar va kelgusi rejalar haqida ma’lumot berdi.

Qayd etilishicha, mamlakatda 24 ta ixtisoslashtirilgan tibbiyot markazi va ularning joylardagi 269 ta filiali tomonidan 6000 dan ziyod tibbiy amaliyotlar o‘tkazilmoqda. Shundan 750 dan ortig‘ini viloyat, 150 dan ziyodini tuman darajasida bajarish o‘zlashtirilgan.

Joriy yilning o‘tgan 6 oyida:

• 4,3 million nafar 40 yoshdan oshgan fuqarolar kardiologik va qandli diabet kasalligini erta bosqichda aniqlash bo‘yicha skrining tekshiruvlaridan o‘tkazilgan;
• 14 ming nafar imtiyozli toifadagi bemorda yuqori texnologik amaliyotlar bajarilgan;
• respublika ixtisoslashtirilgan tibbiyot markazlarining 1500 nafardan ziyod mutaxassislari joylarga chiqib, 50 mingga yaqin bemorlarga tibbiy xizmat ko‘rsatgan;
• xorijdan 40 ming nafarga yaqin bemorlar davolanish uchun qabul qilingan.