Ўзбекистонга 6 ойда 40 минг нафарга яқин бемор даволаниш учун келди

Соғлиқни сақлаш вазирлиги тизимда 2022 йилнинг дастлабки 6 ойида амалга оширилган ишлар ва келгуси режалар ҳақида маълумот берди.

Қайд этилишича, мамлакатда 24 та ихтисослаштирилган тиббиёт маркази ва уларнинг жойлардаги 269 та филиали томонидан 6000 дан зиёд тиббий амалиётлар ўтказилмоқда. Шундан 750 дан ортиғини вилоят, 150 дан зиёдини туман даражасида бажариш ўзлаштирилган.

Жорий йилнинг ўтган 6 ойида:

• 4,3 миллион нафар 40 ёшдан ошган фуқаролар кардиологик ва қандли диабет касаллигини эрта босқичда аниқлаш бўйича скрининг текширувларидан ўтказилган;
• 14 минг нафар имтиёзли тоифадаги беморда юқори технологик амалиётлар бажарилган;
• республика ихтисослаштирилган тиббиёт марказларининг 1500 нафардан зиёд мутахассислари жойларга чиқиб, 50 мингга яқин беморларга тиббий хизмат кўрсатган;
• хориждан 40 минг нафарга яқин беморлар даволаниш учун қабул қилинган.