Sog‘liqni saqlash vazirligi matbuot xizmati xabariga ko‘ra, O‘zbekistondagi xususiy tibbiyot muassasalari soni 7,6 mingdan oshdi.
Qayd etilishicha, tibbiyot sohasida shakllantirilgan sog‘lom raqobat muhiti tufayli aholiga ko‘rsatilayotgan tibbiy xizmatlar sifati va qamrovi oshib bormoqda. Jumladan, mamlakatda 2022-yilning o‘tgan 6 oyida:
- 586 ta ambulator;
- 110 ta statsionar shakldagi yangi xususiy shifo maskani ish boshladi;
- 121 ta klinika o‘z faoliyatini kengaytirdi.
Shuningdek,
- xususiy tibbiyot tashkilotlarining intellektual ma’lumotlar bazasi dasturiy tizimi yaratildi.
- har bir nodavlat tibbiyot muassasasida jamoatchilik nazorati — “QR-kod” nuqtasi tashkil etildi.
- xususiy shifoxonalardan undiriladigan majburiy turistik yig‘im bekor qilindi.
- chet eldan malakali mutaxassislarni doimiy ishlash va mahorat darslari uchun jalb qilish jarayoni soddalashtirildi.
- 400 ta yangi xususiy tibbiyot muassasasi tashkil etilib, ularning umumiy soni 8 mingdan oshirilishi belgilangan.
- statsionar tarzda ishlovchi klinikalar soni 1700 taga yetkazilib, ularda 50 mingdan ortiq davolanish o‘rinlari ochiladi.
- tibbiyot tashkilotlarini akkreditatsiyadan o‘tkazish orqali aholiga ko‘rsatilayotgan tibbiy xizmatlar sifati oshiriladi.
Izoh (0)