Fransiyada iyul oyida mamlakat bo‘ylab minglab o‘t o‘chiruvchilar shiddatli yong‘inlar bilan kurashayotgan bir paytda, mahalliy aholi vakillaridan biri bo‘lgan ko‘ngilli o‘t o‘chiruvchi payshanba (28-iyul) kuni bir nechta o‘rmon yong‘inini uyushtirganini tan oldi. Bu haqda “Interfaks” xabar berdi.
BFMTV telekanalining ma’lum qilishicha, Monpelye shahri prokurori, gumonlanuvchi mamlakat janubidagi Herault departamentida to‘rt martta — 22-may, 21-iyul va 26-dan 27-iyulga o‘tar kechasi o‘rmonlarga o‘t qo‘yganini tan olgan. Yong‘in 800 gektarga yaqin o‘rmonni yo‘q qilgan, keyinroq vaziyat nazorat ostiga olingan.
Aniqlanishicha, ko‘ngilli o‘t o‘chiruvchi o‘rmon qo‘riqchisi va mahalliy aholi vakili bo‘lib chiqqan. Unga 15 yillik qamoq jazosi va 150 ming yevro jarima solinadi.
Ayni paytda, Fransiyaning janubidagi Ardeche departamentida yashovchi yana bir 44 yoshli erkak hibsga olingan. U ham o‘rmonga o‘t qo‘yganini tan olgan.
Ayni shu hududda takroran yong‘in sodir bo‘lgani sababli o‘t o‘chiruvchilar bu yerda qandaydir jinoiy harakatlar bo‘lganiga shubha qilib, jinoyatchini qidiruvga bergan. Gumonlanuvchi o‘ta mast holatda qo‘lga olingan. Prokuraturaning hisobotiga ko‘ra, gumonlanuvchi tomonidan sodir etilgan kamida 12 ta o‘t qo‘yish holati aniqlangan.
Gumonlanuvchi 27-iyul kuni hibsga olingan vaqtda, yong‘in deyarli ming gektar o‘rmonni yo‘q qilishga ulgirgan edi.
Ardesh departamenti kengashi raisi Olivye Amran endilikda bunday holatlar kuzatilmasligi va boshqalarga namuna bo‘lishi maqsadida jinoyatchilarga qilmishiga yarasha arzirli jazo berilishini talab qildi.
Piromaniaklar – odamlar tinchligiga xafv soladigan va bizning merosimizga tajovuz qiluvchi jinoyatchilardir” , — deya uning so‘zlaridan iqtibos keltiradi Le Journal du dimanche.Mavzuga doir: Fransiyadagi yong‘inlar qariyb 20 ming gektar o‘rmonni yo‘q qildi
Izoh (0)