Францияда июль ойида мамлакат бўйлаб минглаб ўт ўчирувчилар шиддатли ёнғинлар билан курашаётган бир пайтда, маҳаллий аҳоли вакилларидан бири бўлган кўнгилли ўт ўчирувчи пайшанба (28 июль) куни бир нечта ўрмон ёнғинини уюштирганини тан олди. Бу ҳақда «Интерфакс» хабар берди.
BFMTV телеканалининг маълум қилишича, Монпелье шаҳри прокурори, гумонланувчи мамлакат жанубидаги Ҳераулт департаментида тўрт мартта — 22 май, 21 июль ва 26-дан 27 июлга ўтар кечаси ўрмонларга ўт қўйганини тан олган. Ёнғин 800 гектарга яқин ўрмонни йўқ қилган, кейинроқ вазият назорат остига олинган.
Аниқланишича, кўнгилли ўт ўчирувчи ўрмон қўриқчиси ва маҳаллий аҳоли вакили бўлиб чиққан. Унга 15 йиллик қамоқ жазоси ва 150 минг евро жарима солинади.
Айни пайтда, Франциянинг жанубидаги Ардече департаментида яшовчи яна бир 44 ёшли эркак ҳибсга олинган. У ҳам ўрмонга ўт қўйганини тан олган.
Айни шу ҳудудда такроран ёнғин содир бўлгани сабабли ўт ўчирувчилар бу ерда қандайдир жиноий ҳаракатлар бўлганига шубҳа қилиб, жиноятчини қидирувга берган. Гумонланувчи ўта маст ҳолатда қўлга олинган. Прокуратуранинг ҳисоботига кўра, гумонланувчи томонидан содир этилган камида 12 та ўт қўйиш ҳолати аниқланган.
Гумонланувчи 27 июль куни ҳибсга олинган вақтда, ёнғин деярли минг гектар ўрмонни йўқ қилишга улгирган эди.
Ардеш департаменти кенгаши раиси Оливье Амран эндиликда бундай ҳолатлар кузатилмаслиги ва бошқаларга намуна бўлиши мақсадида жиноятчиларга қилмишига яраша арзирли жазо берилишини талаб қилди.
Пироманиаклар – одамлар тинчлигига хафв соладиган ва бизнинг меросимизга тажовуз қилувчи жиноятчилардир» , — дея унинг сўзларидан иқтибос келтиради Le Journal du dimanche.Мавзуга доир: Франциядаги ёнғинлар қарийб 20 минг гектар ўрмонни йўқ қилди
Изоҳ (0)