Olimlar aniqlashicha, Yerning o‘z o‘qi atrofida aylanishi tezligi keskin oshgan va sayyora butun kuzatuvlar tarixida aylanish tezligi bo‘yicha rekord o‘rnatgan, deb yozadi Tengrinews.

Ko‘p yillar davomida Yer o‘z o‘qi atrofida roppa-rosa 24 soat ichida bir marta to‘liq aylanadi, deb hisoblanilgan. 1973-yildan olimlar Yerga o‘z o‘qi atrofida bir marta to‘liq aylanishi uchun zarur bo‘lgan vaqtni aniqlash uchun sayyoraning aylanish tezligini atom soatlarida o‘lchashni boshladi.

Bir necha yil avval olimlar aslida sayyora o‘zining aylanish tezligini pasaytirayotganini aniqladi. Shu tufayli mutaxassislar vaqt hisobi maksimal darajada aniq bo‘lib qolishi uchun bir sutkaga soniyalarni qo‘shishiga to‘g‘ri keldi.

Shunisi e’tiborga loyiqki, so‘nggi ikki yildan buyon atom soatlari ma’lumotlari Yer kutilmaganda o‘z o‘qi atrofidagi harakatini tezlashtira boshlaganini ko‘rsatishga kirishdi. Chunonchi, 2022-yil 29-iyun kuni Yer aylanishi bo‘yicha rekord qayd etildi — shu kuni sayyora o‘z o‘qi atrofida odatdagidan 1,59 millisoniyaga tezroq aylanishni amalga oshirdi.

Ayni paytda olimlar aylanish tezligi nima sababdan o‘zgarayotganini aniq bilmaydi. Ularning so‘zlariga ko‘ra, tezlikning o‘zgarishi navigatsiya tizimlari, shuningdek, butun dunyodagi kompyuterlar, smartfonlar va aloqa tizimlari uchun salbiy oqibatlarga olib kelishi mumkin.