Surxondaryo viloyati Termiz shahrida iste’molga yaroqsiz go‘sht aniqlandi.
2022-yilning 28-iyul kuni viloyat Veterinariya va chorvachilikni rivojlantirish boshqarmasi va viloyat IIB Jamoat xavfsizligi xizmati Jamoat tartibini saqlash boshqarmasi Karantin tadbirlarini ta’minlash bo‘linmasi xodimlari bilan hamkorlikda Termiz shahridagi oziq-ovqat dehqon bozorida reyd tadbiri o‘tkazilgan.
Tadbir davomida Termiz shahrida yashovchi fuqaro X.B. noma’lum sharoitda so‘yilgan 55 kilogramm yirik shoxli mol go‘shtini sotish uchun olib kirayotgan vaqtida ushlanib, viloyat laboratoriya xulosasiga asosan go‘sht iste’molga yaroqsizligi uchun Termiz hayvonot bog‘iga topshirildi.
Go‘sht mahsuloti egasiga nisbatan Ma’muriy javobgarlik to‘g‘risidagi kodeksning 109-moddasiga asosan ma’muriy tartibda hujjatlar rasmiylashtirildi.
Izoh (0)