Toshkentda SHHTga a’zo davlatlar tashqi ishlar vazirlari kengashi yig‘ilishi boshlandi. Bu haqda “Daryo” muxbiri xabar berdi.
Yig‘ilishda Hindiston tashqi ishlar vaziri Subramanyam Jayshankar, Qozog‘iston Bosh vazirining o‘rinbosari — tashqi ishlar vaziri Muxtor Tleuberdi, Xitoy Davlat kengashi a’zosi, tashqi ishlar vaziri Van I, Qirg‘iziston tashqi ishlar viziri Jeenbek Kulubayev, Pokiston tashqi ishlar vaziri Bilaval Bxutto Zardariy, Rossiya tashqi ishlar vaziri Sergey Lavrov, Tojikiston tashqi ishlar vaziri Sirojiddin Muhriddin, shuningdek, SHHT bosh kotibi Chjan Min i va SHHT Mintaqaviy aksilterror tuzilmasi Ijroiya qo‘mitasi direktori Ruslan Mirzayev ishtirok etmoqda.
Uchrashuv 15–16-sentaabr kunlari Samarqand shahrida o‘tkazilishi rejalashtirilgan Tashkilot sammitiga tayyorgarlikning yakuniy bosqichi.
O‘zbekiston tashqi ishlar vaziri v.b. Vladimir Norov Toshkent shahrida SHHTga a’zo davlatlar tashqi ishlar vazirlari Kengashining yig‘ilishini ochiq deb e’lon qildi.
Izoh (0)