Farg‘ona viloyati davlat soliq boshqarmasi tomonidan Majburiy ijro byurosi viloyat boshqarmasi bilan hamkorlikda viloyatning barcha shahar va tumanlarida soliq qarzdorliklarini undirish uchun xatlov tadbirlari olib borilmoqda.
2022-yil iyul oyida o‘tkazilgan tadbirlar natijasida 71 ta tadbirkorlik subyekti 3,7 mlrd so‘m miqdoridagi soliq to‘lovlarni amalga oshirdi.
Shuningdek, qarzdorligi katta bo‘lgan 55 ta subyektning qariyb 12,5 mlrd so‘m qiymatdagi transport vositalari, bino-inshootlari va boshqa mol-mulklari xatlovga olindi.
Xususan, Marg‘ilon shahrida o‘tkazilgan tadbirda “Mir oil brend group” MCHJning 534 mln soliq qarzdorligi hisobiga MAN transport vositasini xatlash bilan birga 90 mln so‘m undirildi.
Farg‘ona shahrida ro‘yxatdan o‘tgan “Global tonar” MCHJ ning 339,7 mln so‘m soliq qarzdorligi hisobiga subyektning Captiva transport vositasi xatlanib, qisqa fursatda qarzdorlikni bartaraf etish yuzasidan kafolat xati olindi.
“Farg‘ona savdo majmuasi” MCHJning ham soliqlardan bo‘lgan 283 mln so‘m qarzi evaziga jamiyat balansidagi Nexia-3 rusumli transport vositasi xatlovga olindi.
Shuningdek, Dang‘ara tumanida joylashgan “Chinobod agroservis” MCHJning 1,06 mlrd so‘m qarzdorligi uchun jamiyatning bino-inshootlari xatlovga olindi.
Qo‘shtepa tumanida o‘tkazilgan xatlovda esa “Ravshan hamkor ta’mirlash” MCHJning qarzdorligi uchun 200 mln so‘m qiymatdagi kvartirasi xatlandi.
Izoh (0)