Фарғона вилояти давлат солиқ бошқармаси томонидан Мажбурий ижро бюроси вилоят бошқармаси билан ҳамкорликда вилоятнинг барча шаҳар ва туманларида солиқ қарздорликларини ундириш учун хатлов тадбирлари олиб борилмоқда.
2022 йил июль ойида ўтказилган тадбирлар натижасида 71 та тадбиркорлик субъекти 3,7 млрд сўм миқдоридаги солиқ тўловларни амалга оширди.
Шунингдек, қарздорлиги катта бўлган 55 та субъектнинг қарийб 12,5 млрд сўм қийматдаги транспорт воситалари, бино-иншоотлари ва бошқа мол-мулклари хатловга олинди.
Хусусан, Марғилон шаҳрида ўтказилган тадбирда «Мир оил бренд гроуп» МЧЖнинг 534 млн солиқ қарздорлиги ҳисобига MAN транспорт воситасини хатлаш билан бирга 90 млн сўм ундирилди.
Фарғона шаҳрида рўйхатдан ўтган «Глобал тонар» МЧЖ нинг 339,7 млн сўм солиқ қарздорлиги ҳисобига субъектнинг Captiva транспорт воситаси хатланиб, қисқа фурсатда қарздорликни бартараф этиш юзасидан кафолат хати олинди.
«Фарғона савдо мажмуаси» МЧЖнинг ҳам солиқлардан бўлган 283 млн сўм қарзи эвазига жамият балансидаги Nexia-3 русумли транспорт воситаси хатловга олинди.
Шунингдек, Данғара туманида жойлашган «Чинобод агросервис» МЧЖнинг 1,06 млрд сўм қарздорлиги учун жамиятнинг бино-иншоотлари хатловга олинди.
Қўштепа туманида ўтказилган хатловда эса «Равшан ҳамкор таъмирлаш» МЧЖнинг қарздорлиги учун 200 млн сўм қийматдаги квартираси хатланди.
Изоҳ (0)