AQSH Federal rezerv tizimi (Fed) navbatdagi yig‘ilishda asosiy stavkani oshirgandan keyin, 27-iyul kuni bitkoin narxi 8 foizga oshdi. Bu haqda “Daryo”ga CoinDesk portalidan ma’lum bo‘ldi.
Fed foiz stavkalarini oshirganidan keyin, Toshkent vaqti bilan 28-iyul soat 00:26 holatiga ko‘ra, eng yirik kriptovalyuta 23 ming dollardan oshib ketdi.
Fed yig‘ilishidan oldin uning qiymati 21,6 ming dollar bo‘lib turgan edi. Soat 07:52 da bitkoin narxi 23,4 ming dollargacha ko‘tarildi.
Shu tariqa AQSHda asosiy stavka o,75 punktga oshirilganidan keyin eng yirik kriptovalyuta — bitkoin qiymati 8,3 foizga oshdi.
Toshkent vaqti bilan soat 14:00 ga kelib bitkoinning narxi 22 965 dollar bo‘lib turibdi.
AQSH Federal rezerv tizimi (Fed) bazaviy foiz stavkasini ketma-ket ikkinchi marta — 0,75 punktga, yillik 2,25 foizdan 2,5 foizga oshirdi.
Iyun—iyul oylarida jami o‘sish 150 bazaviy punktni tashkil qildi. Bu esa 1980-yillarning boshidan beri eng keskin ko‘tarilishdir.
Izoh (0)